मतदान करेबर जरुर जाहु
लोकतंत्र के बड़का
तिहार आये हवय
देस के
सुख दुख बर
मुखिया चुने ल
मतदान के दिन
बेरा जरुर निकालहु
एक वोट ह
देस की दिसा
अउ दसा तय करही
जनता के
हाथ म हवय
विकास ह
अधिकार के प्रयोग करके
आजाद भारत के
सपना जेन सँजोये हवन
ओला पूरा करे के बेरा आवय
जनमानस के अधिकार हरय
सत्ता म जेन आहि तेन ह
पसन्द के होना चाही
अपन अधिकार ल
व्यर्थ जान मत देहु
स्वंतत्र भारत के
सबले बड़े तिहार हरय
बटन जरुर दबाहु
अधिकार ल जरुर समझू।
-अमित चन्द्रवंशी "सुपा"
रामनगर,कवर्धा,छत्तीसगढ़
कोई टिप्पणी नहीं:
एक टिप्पणी भेजें